Síðueiningar, athugasemdir við myndir og fleira

Síðan sem notuð er til að raða upp síðueiningum hefur verið tekin í gegn. Þar birtist nú grind að útliti bloggsins og síðan er einfaldlega hægt að draga einingar með músinni á viðeigandi stað. Enn fremur er hægt að stilla einingar með því að smella á þær. Þið komist í þessa síðu um stjórnborðið með því að velja Útlit / Síðueiningar.

Nýjung á blog.is er að hægt er að skrifa athugasemdir við  myndir. Það fer fram á sama hátt og fyrir færslur, og er öll stjórnun sambærileg. Fyrir hvert myndaalum er hægt er að stilla hvort athugasemdir eru leyfðar. Sjá Myndir / Albúmalisti og Myndir / Athugasemdir.

Forsíða myndasvæðisins í stjórnborðinu, Myndir / Myndalisti, hefur verið bætt til muna. Þar sjást nú myndirnar sjálfar og hægt er að breyta upplýsingum um margar í einu, t.a.m. titlum mynda og hvernig þær raðast í albúm.

Athugasemdir

[Birna M, 20.9.2006 kl. 18:51]

Þetta er alveg frábært, breytingin er bæði flott og einfaldar mikið þegar maður er búinn að fatta þær. En eru ný þemu nokk á leiðinni?

[Ólafur N. Sigurðsson, 20.9.2006 kl. 23:31]

Flott! sérstaklega þetta með síðueiningarnar.. en hvernig væri að sansa annaðhvort fleiri þemu með menu-i vinstra og hægrameginn .. eða gera það mögulegt í gegnum útlit / síðueiningar , þar sem mörg útlit t.d eins og tómtara í rökkri bjóða alveg uppá það plásslega séð =)

[Sonja , 21.9.2006 kl. 00:44]

Í sambandi við myndirnar; ég er með nokkur albúm sem ég gerði óvirk fyrir nokkru síðan, ætlaði svo að fara að gera nokkur af þeim virk aftur en þau birtast ekki á albúmalistanum. Samt get ég sett nýjar myndir inn í þau svo þau eru alveg örugglega ennþá til, ég fæ þau bara ekki upp á albúmalistanum...?

[Guðmundur Hreiðarsson, 21.9.2006 kl. 08:23]

Ég er búinn að laga það sem Sonja benti á, en nú birtast óvirk albúm einnig í albúmalistanum.

[Birna M, 21.9.2006 kl. 17:24]

Ég er sammála Ólafi með þemun, það þarf fleiri þemu með möguleika fyrir dálka báðum megin. Og ég væri til í að sjá meira úrval. En annars takk fyrir mikla og góða þjónustu.

[Ólafur N. Sigurðsson, 21.9.2006 kl. 21:18]

Eitt enn.. vantar svona skráar"svæði" í stjórnkerfið, bara hliðiná "myndir" í menuinu t.d.

þar sem að maður getur séð hvaða skrár maður er með inni og etc, vantar alveg alla fídusa í kringum skrárnar, fyrir utan náttúrulega að geta sett þær inn =)

Keep up the good work.

[Guðmundur Hreiðarsson, 21.9.2006 kl. 22:35]

Kerfi til að sýsla með skrár er í bígerð og mun koma inn í stjórnkerfið einhvern tímann á næstunni.

[Sigrún Friðriksdóttir, 26.9.2006 kl. 23:03]

Ég sakna þess að sjá nýjar myndir á forsíðuni a blogg.is. Er ekki hægt að setja það inn aftur ? Það var oft til að maður flakkaði inn á blogg og kvittaði fyrir sig.

Kveðja Sigrún.

[Miðlar Lifandi, 27.9.2006 kl. 12:05]

Með myndir, er ekki hægt að skilgreina run-around þegar myndir eru settar inn í texta? Svona fyrir utan það að tilraunir til að færa myndir inn í texta er ekki beint hægt að lýsa sem liprum...

[Ólafur N. Sigurðsson, 27.9.2006 kl. 23:42]

Flottar framfarir í gangi strákar! Eigið allir inni sleikjó hjá mér, tek við rukkunum á blogginu :)

[Guðmundur Hreiðarsson, 28.9.2006 kl. 08:11]

Ólafur: Takk!

Miðlar Lifandi: Hvað áttu við með run-around í kringum myndir?

[Miðlar Lifandi, 28.9.2006 kl. 11:24]

Þegar myndir eru settar beint inn í texta þá þykir mér textinn vera helst til of nálægt myndunum. Það væri því til bóta að það væri t.d. sjálfkrafa skilgreint að ef mynd er sett inn í texta þá byrji textinn aðeins fjær myndunum, líkt og þegar myndir eru settar inn í hliðarglugganum. (er þetta nokkuð óskýrt, nei varla)

[Helga Þorbergsdóttir, 28.9.2006 kl. 14:15]

Halló! Allar þessar nýjungar eru mjög til bóta og eigið þið þakkir skildar. Ég aftur á móti virðist ekki ná því hvernig html valmöguleikinn virkar, þar sem þær html slóðir sem ég hef hug á að setja inn (td. flickr myndir) eru helst til langar og html boxið á síðunni tekur við 1 línu í einu og þetta fer einhvernveginn ekkert alltof vel hjá mér. Þetta er væntanlega lítið mál fyrir þann sem kann, sem er bara því miður ekki ég. Hvað á ég að gera?

Mig langar líka til að prófa síðueininguna "stök mynd", en það kemur upp þessi svakalega fína villa á síðuna þegar ég set eininguna inn, sem er væntanlega vegna þess að engin mynd hefur verið valin, en ég fæ ekki séð hvar ég ætti að gera það.

Takk fyrir takk :)

[Guðmundur Hreiðarsson, 28.9.2006 kl. 16:55]

Miðlar Lifandi: Spássíur við myndir sem settar eru beint inn í texta eru komnar á.

[Miðlar Lifandi, 28.9.2006 kl. 18:10]

Guðmundur, kærar þakkir. BTW það er alveg frábært að hafa svona þráð þar sem hægt er að hrósa, eða kveina...