Leiðbeiningar um lausn innskráningarvandamáls

Nýlega voru gerðar ýmsar öryggsbreytingar á blog.is. Þessar breytingar snúa einkum að innskráningu og samskiptum með JavaScript. Ef eldri útgáfur af skrám af blog.is eru forvistaðar í tölvu notanda getur hann lent í vandræðum með innskráningu. 

Til að leysa málið þarf að gera eftirfarandi:

• Hreinsa forvistaðar skrár (cache) í vafranum. Sjá nánar hér að neðan.
• Fara aftur inn á bloggsíðuna og skrá sig inn upp á nýtt.

Ástæður fyrir því að vafrinn forvisti skrár of lengi geta verið ýmsar, en ein skýring gæti verið að dagsetningin sé rangt stillt á viðkomandi tölvu.

Til að hreinsa út forvistaðar skrár má gera eftirfarandi:

(A) Fyrir Internet Explorer 6 (Files valmynd er efst til vinstri á vafranum):

Smellið á Tools og síðan á Internet Options. Fyrir miðju á tilmælaglugganum sem kemur upp er reitur sem kallast Temporary Internet Files. Smellið á hnappinn Delete Files sem birtist þar og síðan á OK og aftur á OK. Að því loknum þarf halda niðri CTRL-hnappi og smella á F5 hnapp efst á lyklaborðinu eða hugsanlega að endurræsa vafrann, þ.e. slökkva á honum og ræsa aftur.

(B) Fyrir Internet Explorer 7 (Tools valmynd er efst til hægri á vafranum):

Smellið á Tools og síðan á Internet Options. Fyrir miðju á tilmælaglugganum sem kemur upp er reitur sem kallast Browsing History. Smellið á hnappinn Delete sem birtist þar og síðan á Delete Files efst í glugganum sem kemur upp. Smellið á Yes í litla glugganum sem birtist, síðan á Close neðst í glugganum þegar tölvan er búin að hreinsa biðminnið og loks á OK. Að því loknum þarf halda niðri CTRL-hnappi og smella á F5 hnapp efst á lyklaborðinu eða hugsanlega að endurræsa vafrann, þ.e. slökkva á honum og ræsa aftur.

(C) Fyrir Firefox 2.0:

Smellið á Tools og síðan Clear Private Data. Í tilmælaglugganum sem þá kemur upp þarf að haka við a.m.k. Cache og Authenticated Sessions. Smellið á hnappinn Clear Private Data Now. Endurræsið svo vafrann, þ.e. slökkvið á honum og ræsið aftur.

Athugasemdir

[Daníel Sigurðsson, 20.4.2007 kl. 14:24]

Hvernig væri að bæta við leiðbeiningum fyrir makkanotendur ?

það vantar upplýsingar um það hvernig á að hreinsa Cache í Safari.

einnig virka þessar upplýsingar ekki fyrir notendur Firefox á Mac þar sem Ctrl er ekki notaður eins og í Windows, heldur er Slaufa notuð á Mac.

með von um að >15% tölvunotenda á Íslandi fái að vera með í Blogginu.

[Baldur Kristinsson, 20.4.2007 kl. 14:45]

Daníel: Til að hreinsa úr flýtiminni fyrir Safari má velja "Empty Cache..." úr Safari-valmyndinni eða ýta á Alt-Slaufa-E. Annars er það ekki rétt hjá þér að >15% tölvunotenda séu með Makka - hér á landi er hlutfallið um 4%. Firefox-leiðbeiningarnar eiga jafnvel við á hvaða stýrikerfi sem er, enda hvergi vísað í Ctrl-takkann þar. Bloggarar á blog.is sem eru með Makka nota reyndar flestir Firefox, enda styður Safari enn ekki til fulls MIDAS-staðalinn, sem notaður er í grafíska færsluritlinum.

[Birna Dis Vilbertsdóttir (IP-tala skráð) 20.4.2007 kl. 15:22]

Þetta er gjörsamlega óþolandi.Dag eftir dag eiðast bloggin mín þrátt fyrir að farið sé að öllum leiðbeiningum.Ég þarf endalaust að skrá mig inn aftur og aftur er pirruð á þessu

[Guðmundur Hreiðarsson, 20.4.2007 kl. 15:41]

Birna: Hvað áttu við með að blogg eyðist? Getur verið að bloggfærslur detti út þar sem innskráningin rennur út? Það myndi koma fram í því að þú gætir ekki vistað færsluna. Endilega skýrðu nánar hvernig þessi vandræði koma fram, á hvaða síðum stjórnborðsins þú ert o.s.frv.

[Kittý Sveins, 20.4.2007 kl. 17:20]

Mig langar samt að spyrja ykkur að einu. Eftir þessar breytingar hætta þá að koma svona auglýsinga comment frá google og svoleiðs. Fékk fimm svoleiðs á sömu færsluna hjá mér á þrem dögum. Eld gömul færsla og dularfull komment sem að eru öll svipuð en ekki öll frá sömu IP tölunni.

[Baldur Kristinsson, 20.4.2007 kl. 20:18]

Kittý: Til að koma í veg fyrir slíkt "athugasemdaspamm" geturðu krafist þess að óskráðir notendur staðfesti að uppgefið netfang sé rétt með því að smella á tengil sem þeir fá í tölvupósti. Farðu í Stillingar í stjórnborðinu, veldu Blogg og stilltu Óskráðir notendur á Þurfa að staðfesta uppgefið netfang.

[Steingrímur Páll Þórðarson, 20.4.2007 kl. 23:35]

Ég er með tvær spurningar. Er með stillt á að óskráðir notendur þurfa ekki að gefa tvisvar upp netfang en þeir þurfa þess samt. Hví?
Hin spurnining. Ég hef ekki getað lengi sett inn myndir með færslum. Veit að sjálfsögðu að þarf að vista fyrst. Glugginn opnast þegar smellt er á MYNDIR en ekkert gerist þegar ég smelli á t.d. "Ná í mynd úr myndaskrá"

Kveðja

[Kittý Sveins, 21.4.2007 kl. 21:21]

Takk fyrir þetta :) Ég vona að þetta hætti núna.. frekar skrýtið samt að þetta komi bara á eina eld gamla færslu.

[Unnur Guðrún , 23.4.2007 kl. 12:46]

125.18.15.107 eigandi þessara ib adressu hefur verið að senda mér óæskilegar athugasemdir en ég get ekki bannað henni aðgang þar sem einhverskonar vörn er hjá viðkomandi. Hvað get ég gert? þessi persóna hefur email [e-mail] og heitir Hillary

[Páll G Sigurðsson, 23.4.2007 kl. 23:07]

Hæ, ég hef gert einhvað vitlaust, og get ekki sett upp útlit á síðuna, þessar villumeldingar koma upp.

Villa við þemastillingu: Keyrsla á /admin/shared/lina_methods:upd_blog_theme skilaði villu:DBD::Pg::db selectrow_array failed: ERROR: invalid input syntax for integer: "" Stack: [/usr/local/lib/site_perl/DBD/Mbl.pm:512] [/export/virtual/blog/blog-mm/admin/shared/lina_methods:398] [/usr/share/perl5/HTML/Mason/Component.pm:253] [/export/virtual/blog/blog-mm/utils/lina.json:77]

kv

Páll Sigurðsson 

[Ólafur Örn Nielsen, 24.4.2007 kl. 14:59]

Íris Alma: Þú getur gert það með því að senda mér tölvupóst á [e-mail] með lykilorðinu þínu og við eyðum blogginu.

[Axel Jón Fjeldsted (IP-tala skráð) 24.4.2007 kl. 15:36]

Hvaðan kemur þessi athugasemd? Er þetta óviðeigandi tenging við frétt?

[Púkinn, 24.4.2007 kl. 16:20]

Um það leyti sem þessu var beytt virðist eitthvað hafa gerst sem veldur því að athugasemdir koma stundum tvisvar inn.  Þetta hefur gerst í allnokkur skipti hjá Púkanum upp á síðkastið, bæði í athugasemdum við hans greinum og í athugasemdum sem Púkinn hefur skilið eftir annars staðar.

[Umsjónarmenn blog.is, 24.4.2007 kl. 16:30]

Axel, kíktu á nýjustu færsluna á kerfisblogginu: Ruslathugasemdir og fréttatengingar.